థమ్స్‌అప్ ఈట్ టు మీట్

తను తాజాగా నటిస్తున్న చిత్రానికి ఇంకా పేరు నిర్ణయించలేదనీ, వరుడు మాత్రం కాదని మహేశ్ బాబు స్పష్టం చేశారు. ఈ ఏడాది ఏడు నెలలు గ్యాప్ తీసుకుని చిత్రాన్ని చేస్తున్నానని, ఇకపై అటువంటి గ్యాప్ ఉండదని అన్నారు. థమ్స్అప్ బ్రాండ్ అంబాసిడర్ అయిన మహేశ్ మెక్ డొనాల్డ్ అవుట్‌లెట్ నిర్వహించిన "థమ్స్‌అప్ ఈట్ టు మీట్" విజేతలను కలుసుకునేందుకు శుక్రవారం ఐమాక్స్‌‌కు విచ్చేశారు. ఈ సందర్భంగా ఆయనతో చిట్ చాట్..

ప్ర. మీరు అభిమానులకు దూరంగా ఉంటున్నారెందుకు?
జ. అదేమీ లేదు. నేను ఇంకా వారికి దగ్గరవడానికి థమ్స్‌అప్ దోహదపడింది. అభిమానుల ఇంటింటికి తిరిగి కలిసే సౌకర్యం కల్పించింది థమ్స్‌అప్.

ప్ర. మరి సినిమా సినిమాకు గ్యాప్ రావడానకి కారణం..?
జ. పెద్ద కారణమేమీ లేదు. యాడ్స్‌లో పాల్గొనడం వల్ల ఈసారి ఆరేడు నెలలు గ్యాప్ తీసుకున్నా. ఇకపై అలా తీసుకోను.

ప్ర. థమ్స్‌అప్ డ్రింక్ తాగమని చెప్పడం సమంజసమేనా...?
జ. ఎందుకు కాదు. 24 గంటలూ తాగమని చెప్పడం లేదు. అప్పుడప్పుడు తాగవచ్చు. నేనూ తాగుతాను. అందులో ఎటువంటి దష్పలితాలు లేవని నా అభిప్రాయం.

ప్ర. మహేశ్ బాబంటే అభిమానులకు క్రేజీ ఎందుకు..?
జ. ఏమో.. నేను అందంగా ఉంటానని అందరూ అంటారు. అందుకనేనేమో...

ప్ర. కాస్త తగ్గినట్లున్నారు. 6 ప్యాక్ చేస్తున్నారా...?
జ. సిక్స్ ప్యాక్‌లు, 8 ప్యాక్‌లు చేయడం లేదు. స్లిమ్‌గా ఉండటానికి తగ్గాను.

ప్ర. మీకు నచ్చిన హీరోయిన్..?
జ. శ్రీదేవి

ప్ర. ఇప్పటి యంగ్ హీరోల్లో ఎవరంటే ఇష్టపడతారు..?
జ. మహేశ్ బాబు అంటే నాకు చాలా చాలా ఇష్టం.

ప్ర. మల్టీస్టారర్ చిత్రాల్లో నటించే అవకాశం ఉందా..?
జ. మల్టీస్టారర్ అంటేనే కథలు దొరకడం కష్టం. అందరికీ నచ్చిన కథలుంటే చేయడానికి నేను వెనుకాడను.

ప్ర. మల్టీస్టారర్ చిత్రాల్లో నటించే అవకాశం ఉందా..?
జ. మల్టీస్టారర్ అంటేనే కథలు దొరకడం కష్టం. అందరికీ నచ్చిన కథలుంటే చేయడానికి నేను వెనుకాడను.

ప్ర. గణేష్ పూజను ఎలా జరుపుకుంటారు?
జ. ఈసారి మా కుటుంబం మొత్తం కలిసికట్టుగా వినాయకుడికి పూజ చేస్తాం.

ప్ర. కెమికల్స్ వాడని గణేష్‌ను పూజిస్తారా..? మట్టి గణేష్‌ను పూజిస్తారా..?
జ. వాతావరణ కాలుష్యాన్ని దృష్టిలో పెట్టుకుని మట్టి గణేష్‌కే ప్రాధాన్యత ఇస్తాను.