‘దూకుడు’లో స్టెప్స్ సూపర్బ్

‘‘టాలీవుడ్ బ్లాక్ బాస్టర్స్‌లో ఒకటిగా రేపు ‘దూకుడు’ నిలువబోతోంది. పెర్‌ఫార్మెన్స్ పరంగా ఇందులో ఓ కొత్త సమంతాను చూస్తారు’’ అని ధీమాగా చెబుతున్నారు అందాలభామ సమంత. త్వరలో విడుదల కానున్న ‘దూకుడు’ సినిమా గురించి మాట్లాడుతూ సమంత పై విధంగా స్పందించారు. ఇంకా ఆమె మాట్లాడుతూ- ‘‘నాకు డాన్స్ అంటే చాలా ఇష్టం. అందుకే కష్టపడి నేర్చుకున్నాను. తొలి సినిమా ‘ఏం మాయ చేసావె’లో డాన్స్‌లో నా నైపుణ్యాన్ని చూపించే అవకాశం రాలేదు.

ఇక రెండో సినిమా ‘బృందావనం’లో ఆ అవకాశం వచ్చినా... అది పూర్తి స్థాయిలో రాలేదు. కానీ ‘దూకుడు’లో మాత్రం నా ప్రతిభను పూర్తిగా ప్రదర్శించే అవకాశం కలిగింది. ఇందులో స్టెప్స్ సూపర్బ్‌గా ఉంటాయి. మహేష్ మార్క్ స్టైలిష్ డాన్సులతో పాటు, ఎన్నో వైరైటీ డాన్స్ మూమెంట్స్ ఈ సినిమాలో చేసే అవకాశం దొరికింది నాకు.

డాన్సుల పరంగానే కాదు.. నటన పరంగా కూడా నాకు పూర్తిస్థాయి సంతృప్తినిచ్చిన సినిమా ‘దూకుడు’. నా కెరీర్‌లో ఓ మెమరబుల్ హిట్‌గా ఈ సినిమా నిలవడం ఖాయం’’ అని ఎంతో ఉద్వేగంతో చెప్పుకొచ్చారు సమంత.

Posted in: mahesh,maheshbabu,Samantha,దూకుడు,మహేష్‌,మహేష్‌బాబు,సమంత